Серпін жобалары

0
5486

Бәріңізге белгілі болғандай, 2014 ж. дан бастап “Серпін” “Мәңгілік ел жастары – индустрияға” әлеуметтік бағдарламасы іске асырылуда. “Серпін” білім және инновация Ұлттық палатасы мен “SERPIN” әлеуметтік даму қоры қоғамдық еріктілердің жобасын үйлестіру жұмысын атқарып, жобаға қатысушылармен, оқу орындары және ата-аналармен тығыз байланыс орнатады.

Жобаның мақсаты – жоба қатысушыларын кадрларға қажеттілік туындаған өңірлерде сұранысқа ие мамандықтар бойынша оқуға түсуін ынталандыру арқылы, тиімді ішкі еңбек көші-қонын жүзеге асыру.

Осы жоба аясында жұмыс күші мол өңірлерден жұмыс күші жетіспейтін өңірлердің университеттері мен колледждеріне оқуға бағытталған іріктеу жүзеге асырылады. Жобаны іске асыру кезеңінде жалпы 22784 грант, оның ішінде 18094 жоғары оқу орындарына, 4690 колледждерге бөлінді. Айта кетерлігі, жыл сайын түлектер саны артып келеді.

“Серпін” жобасының бір ерекшелігі – жұмыс күші көп өңірлерден келген студенттер мемлекеттік гранттар бойынша оқу кезінде, біртіндеп әлеуметтенуге өтіп, климаттық өзгерістерге үйлесіп, тұрмыс ерекшеліктерімен, сол өңірдің әлеуметтік-экономикалық өзгешеліктерімен танысады.

Сондай-ақ, Білім беру орындарында оқу тәжірибесінен өту кезінде, өндірістік саладағы керекті дағдыларды үйретіп қана қоймай, сонымен қоса өндірістік объектілерден нақты жұмыс орындарын табуға көмектеседі.

Жастардың қоныс аударуы бастысы, өзгерістерге тез және неғұрлым икемді бейімделуінде, ал ересек отбасыларын көшіру тұрғын үй сатып алуға қаражат бөлу қажеттілігімен қоса жүреді.

Елбасы Нұрсұлтан Назарбаев Үкіметтің кеңейтілген отырыстарында бірнеше рет бұл жобаның маңыздылығын атап өтті және орталық мемлекеттік органдар мен облыс әкімдеріне түлектерді жұмысқа орналастыру туралы тікелей тапсырмалар берді.

Алайда, 5 жылдық жобаны іске асыру барысында университет түлектерін оқытуға және жұмысқа орналастыруға байланысты күрделі жүйелік мәселелер пайда болды.

ОСТАВЬТЕ ОТВЕТ